Breshëri dronësh drejt Kuvajtit dhe Bahreinit, Irani godet rafinerinë jetike të naftës e gazit

Irani ka vazhduar edhe këtë të dielë sulmet me dronë e raketa drejt fqinjëve në Gjirin Persik, duke shkaktuar dëme të mëdha materiale në uzinat e përpunimit të naftës në Kuvajt dhe Bahrein.

Korporata e Naftës së Kuvajtit raportoi dëme serioze në objektet e përpunimit të naftës pasi një sulm me dron iranian shkaktoi zjarre në objektet e saj të martën.

KPC tha në një deklaratë se nuk kishte të lënduar, duke shtuar se ekipet po punonin për të vënë nën kontroll zjarret dhe për të parandaluar përhapjen e tyre në objekte të tjera.

Irani po ashtu ndërmori një sulm me dronë ndaj rafinerisë së Bapco Energies në Bahrein, një nga asetet më të rëndësishme të sistemit energjetik të vendit.

Sipas mediave lokale, në sulm janë përdorur rreth gjashtë dronë. Kompania ka konfirmuar ngjarjen, duke bërë të ditur se një rezervuar është dëmtuar, por fatmirësisht nuk ka pasur viktima.

Zjarri i shkaktuar nga sulmi është shuar, ndërsa autoritetet po vijojnë vlerësimin e dëmeve.

Rafineria e Bapco konsiderohet si shtylla kurrizore e industrisë së naftës në Bahrein, pasi merret me prodhimin dhe eksportet që përbëjnë një pjesë të konsiderueshme të të ardhurave të vendit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)