18 të vdekur në aksidente vetëm për Pashkët, kryeministrin portugez “e masakrojnë” se u shfaq pa rrip sigurimi

Kryeministri i Portugalisë, Luis Montenegros është vendosur në qendër të kritikave në vend pasi u shfaq në një video në rrjetet sociale, duke drejtuar makinën pa rripin e sigurimit, një një kohë kur janë regjistruar mbi 18 vdekje në aksidente rrugore vetëm për Pashkë.

Videoja u hoq menjëherë nga mediat sociale, por qeveria e Montenegros ka marrë goditjet e para si pasojë e saj. Në të binte në sy fakti se Luis dhe shoferi i tij nuk kishin vendosur rripin e sigurimit teksa po reklamonin ditën tipike të stafit të tij në Pallatin São Bento, në Lisbonë.

Efekti i videos së kryeministrit shtyu Ministrinë e Brendshme të lëshonte një "apel të përzemërt për kujdes". Mëngjesin e Pashkëve, kanalet e mediave sociale të Ministrisë së Brendshme publikuan shifrat e para paraprake, me mbi dy mijë aksidente gjatë kësaj jave, ku në rrugët e Portugalisë kanë humbur jetën 18 persona dhe qindra të tjerë janë plagosur, 42 prej të të cilëve me lëndime serioze.

Kjo nuk është hera e parë që qeveria e Luis Montenegros ka hasur në një gabim të rëndë në rrjetet sociale.

Në muajin janar, ndërsa disa rajone të Portugalisë po goditeshin nga stuhia Kristin, ministri i Presidencës së Këshillit, António Leitão Amaro, ndau një video që demonstronte mënyrën se si e trajtoi krizën duke folur në celular ose duke shkëmbyer mesazhe.

Shumë portugezë besojnë se imazhet kishin për qëllim të nxirrnin në pah politikanin dhe jo situatën dramatike që përjetuan mijëra njerëz, të mbetur pa ujë ose energji elektrike.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)