Gjigandi gjerman ul në tokë avionët, shkurtohen 20.000 fluturime

Në kulmin e paralajmërimeve për një krizë të rëndë karburanti për industrinë e fluturimit, si pasojë e konfliktit në Lindjen e Mesme, gjiganti gjerman i aviacionit, Lufthansa, ka njoftuar se do të eliminojë më shumë se 20,000 fluturime me distanca të shkurtra deri në tetor, si pjesë e planit për të kursyer vajgurin.

Sipas një njoftimi nga kompania, grupi Lufthansa po heq 20,000 fluturime me distanca të shkurtra jofitimprurëse nga oraret e tyre deri në tetor, duke kursyer rreth 40,000 ton vajguri, çmimi i të cilit është dyfishuar që nga fillimi i luftës në Iran.

Orari i fluturimeve do të optimizohet gjatë sezonit të verës përmes gjashtë qendrave të grupit në Frankfurt, Mynih, Cyrih, Vjenë, Bruksel dhe Romë, për të siguruar që pasagjerët e kompanive Lufthansa të vazhdojnë të kenë qasje në rrjetin e saj ndërkombëtar të itinerareve.

Anulimet e para të 120 fluturimeve ditore, të cilat janë të vlefshme deri në fund të majit, zbatohen nga e hëna, ndërsa disa itinerare janë pezulluar përkohësisht

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)