Kriza energjetike godet europianët, Meloni kritika unionit: BE-ja nuk është shumë e guximshme

"Evropa duhet të jetë shumë më e guximshme!”. Ky ishte mesazhi që Giorgia Meloni i dërgoi Brukselit, teksa mbërriti në Ayia Napa të Qipros për samitin informal me udhëheqësit e BE-së.

“E vlerësoj propozimin e bërë nga Presidentja e Komisionit mbi çështjen e energjisë. Është një hap përpara, por nuk është një hap përpara mjaftueshëm", vazhdoi ajo, duke iu referuar planit të BE-së për përballimin e krizës së karburantit dhe energjisë, ndikuar nga lufta në Lindjen e Mesme, që përfshin ndër të tjera kuponë energjie dhe ndihmë shtetërore.

Për kryeministren italiane, hapi i duhur do të kishte qenë pezullimi i Paktit të Stabilitetit.

“Propozimi i Komisionit përmend ndihmën shtetërore, fleksibilitetin mbi ndihmën shtetërore, por ne e dimë se kur bëhet fjalë për ndihmën shtetërore, hapësira fiskale nuk është e njëjtë për të gjithë. Kur lëviz shumë vonë, çmimi që duhet paguar është më i lartë, kështu që duhet të mendojmë me më shumë transparencë, efektivitet dhe efikasitet. Kjo ka të bëjë edhe me çështjen e Paktit të Stabilitetit dhe pezullimin e tij. Duhet të mendojmë për një model ku këto shpenzime nuk llogariten, siç bëhet me masën 'e sigurt' për shpenzimet e mbrojtjes", shtoi kryeministrja.

Pikërisht për të adresuar krizën, Giorgia Meloni nuk e mohoi mundësinë e një devijimi të buxhetit nga qeveria në Romë.

“Le të shohim, nuk po përjashtojmë asgjë sot”, tha ajo, duke iu referuar një rritjeje të mundshme të deficitit dhe borxhit publik.

“Së pari, duhet të shqyrtojmë rregullat që kemi, pastaj në javët e ardhshme padyshim që do të vendosim se si të veprojmë në nivel kombëtar. Nuk po përjashtojmë asgjë sot”, deklaroi Meloni.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)