“Gati ta kthejmë Iranin në epokën e gurit”, Izraeli: Presim vetëm ditën jeshile nga SHBA

Ministri i Mbrojtjes i Izraelit, Israel Katz deklaroi se vendi i tij është i gatshëm të rifillojë luftën kundër Iranit, duke paralajmëruar sulme edhe më të ashpra ndaj infrastrukturës strategjike të vendit.

Sipas tij, ushtria izraelite është në pritje të miratimit nga Shtetet e Bashkuara për të ndërmarrë veprime të reja ushtarake, duke përfshirë, sipas deklaratës së tij, “eliminimin përfundimtar” të udhëheqjes iraniane.

Kjo deklaratë vjen në një kohë tensioni të lartë, pas raportimeve për vrasjen e liderit suprem iranian, Ali Khamenei, në ditët e para të konfliktit.

Katz theksoi se çdo operacion i ardhshëm do të jetë “ndryshe dhe vdekjeprurës”, duke synuar sektorë kyç si energjia dhe ekonomia, me qëllim dobësimin e thellë të kapaciteteve të Iranit.

Retorika e ashpër nga Izraeli pason deklarata të mëparshme nga presidenti amerikan Donald Trump, i cili kishte kërcënuar se do ta “bombardonte Iranin deri sa ta kthente në epokën e gurit” nëse nuk arrihej një marrëveshje për përfundimin e luftës.

Këto zhvillime rrisin shqetësimet për një përshkallëzim të ri të konfliktit në rajon, ndërsa komuniteti ndërkombëtar vijon të bëjë thirrje për përmbajtje dhe rikthim në dialog diplomatik.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)