I nxehti i pazakontë i majit në Europë, temperatura deri në 36 gradë Celcius

Vala e të nxehtit të verës që aktualisht po prek Shqipërinë, po prek edhe pjesën më të madhe të Evropës. Shumë qytete dhe kryeqytete të mëdha në të gjithë kontinentin do të përjetojnë temperatura të ngjashme me ato të gushtit në ditët në vijim. 

Ndër vendet më të goditura është padyshim Franca, ku Departamenti i Mbrojtjes Civile ka lëshuar një alarm të verdhë për nxehtësi për 18 departamente të ndryshme. Ky vendim synon të adresojë një "valë të hershme dhe të konsiderueshme të nxehtësisë". Ndër departamentet që pritet të goditen më rëndë nga nxehtësia e diellit është rajoni Île-de-France, përfshirë kryeqytetin, Parisin.

"Temperaturat maksimale mbeten shumë të larta për sezonin. Nxehtësia shtrihet edhe më tej në veri, me temperatura mbi 30°C praktikisht kudo përveç përgjatë Kanalit Anglez dhe në plazhet mesdhetare", sipas buletinit të lëshuar nga Météo-France. Temperaturat midis 30°C dhe 35°C priten në gjysmën veriore të vendit. Në jugperëndim, temperaturat pritet të arrijnë 32°C-36°C, ashtu si edhe në Luginën e Ronës. Temperaturat prej 29°C-32°C priten në pjesën tjetër të juglindjes.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)