Rikthehen luftimet në kufirin me Afganistanit dhe Pakistanit

Përleshjet kufitare kanë shpërthyer sërish midis forcave të Pakistanit dhe Afganistanit, duke tronditur edhe një herë zonën e brishtë kufitare dhe detyruar qindra banorë të largohen nga shtëpitë e tyre.

Shkëmbimi i zjarrit filloi të premten rreth orës 22:30, duke përfshirë qytetin afgan Spin Boldak dhe zonat përreth.

Burime mjekësore në Kandahar raportuan se katër trupa u dërguan në spital, ndërsa të paktën katër persona të tjerë u plagosën, përfshirë tre në territorin pakistanez.

Të dyja qeveritë konfirmuan përleshjet, por secila palë akuzoi tjetrën për nisjen e incidentit.

Zyrtarë pakistanezë deklaruan se forcat afgane kryen të shtëna të paprovokuara, duke theksuar se ushtria e Pakistanit u kundërpërgjigj menjëherë dhe me intensitet. Në anën tjetër, zëdhënësit talebanë pohuan se Pakistani rifilloi sulmet, duke i detyruar ata të reagojnë për të mbrojtur territorin.

Autoritetet lokale në Kandahar raportuan përdorimin e artilerisë së lehtë dhe të rëndë nga ana e Pakistanit, me disa shtëpi të goditura nga mortajat.

Përplasjet e fundit vijnë më pak se dy muaj pas një armëpushimi të ndërmjetësuar nga Katari dhe Turqia, i cili i dha fund një jave luftime të ashpra ku humbën jetën dhjetëra persona.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)