Larijani provokon shefin e Pentagonit: Liderët tanë mes njerëzve, tuajët tek ishulli i Epstein

Një përballje virtuale ka shpërthyer mes zyrtarëve iranianë dhe amerikanë pas deklaratave të fundit lidhur me udhëheqjen e Iranit. Kreu i Këshillit të Sigurisë Kombëtare të Iranit, Ali Larijani, ka reaguar ashpër ndaj komenteve të sekretarit amerikan të Mbrojtjes, Pete Hegseth.

Debati nisi pasi Hegseth deklaroi se udhëheqja iraniane është “e dëshpëruar dhe e fshehur”, duke shtuar se drejtuesit e Iranit janë strehuar nën tokë “të strukur si minj”.

Në përgjigje të këtyre komenteve, Larijani publikoi një reagim në rrjetin social X, ku shkroi: "Zoti Hegseth! Liderët tanë kanë qenë dhe janë në mes të njerëzve. Po tuajët? Tek ishulli i Epsterin?"

Në të njëjtin postim, ai publikoi edhe video nga manifestimet e mbajtura në Iran, ku shihen presidenti i Iranit, Massoud Pezeshkian, si dhe kreu i sistemit gjyqësor iranian, Gholam-Hossein Mohseni-Ejei, duke marrë pjesë mes qytetarëve në tubime publike.

Polemika mes zyrtarëve vjen në një moment tensionesh të larta mes Iranit dhe Shteteve të Bashkuara, ndërsa deklaratat e ndërsjella po shtojnë retorikën e ashpër mes dy palëve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)