“Konflikti përfundon shpejt dhe çmimi i naftës do të bjerë ndjeshëm”, administrata Trump flet për fundit e luftës

Zyrtarë të administratës së Donald Trump kanë deklaruar se konflikti në Iran pritet të përfundojë brenda pak javësh ose edhe më shpejt, ndërsa ekonomistët paralajmërojnë se ndërprerjet në furnizimin me naftë nga Lindja e Mesme mund të shkaktojnë një recesion global.

Sekretari amerikan i Energjisë, Chris Wright, tha në emisionin “This Week” të ABC News se konflikti mund të marrë fund së shpejti dhe se tregjet pritet të stabilizohen. Sipas tij, pas përfundimit të luftës pritet një rikuperim i furnizimeve me energji dhe një ulje e çmimeve të naftës.

“Besoj se ky konflikt do të përfundojë brenda javëve të ardhshme, ndoshta edhe më herët. Pas kësaj do të shohim rritje të furnizimeve dhe rënie të çmimeve,” u shpreh Wright.

Të njëjtin qëndrim shprehu edhe Kevin Hassett, drejtor i Këshillit Kombëtar Ekonomik në Shtëpia e Bardhë, gjatë një interviste për “Face the Nation” në CBS News. Ai tha se ekonomia globale mund të përjetojë një “goditje pozitive” sapo konflikti të përfundojë.

Sipas Hassett, operacioni ushtarak ka ecur më shpejt se parashikimet fillestare të administratës, e cila kishte llogaritur se lufta mund të zgjaste nga katër deri në gjashtë javë që nga fillimi i saj më 28 shkurt.

Megjithatë, situata mbetet e tensionuar. Ushtria e Izrael ka bërë të ditur se planifikon të vazhdojë operacionet ushtarake në Iran për të paktën edhe tre javë të tjera.

Ndërkohë, zyrtarët amerikanë janë përpjekur të qetësojnë shqetësimet për bllokimin e Ngushticës së Hormuzit nga Irani, një rrugë detare strategjike për transportin global të naftës.

Ambasadori amerikan në Kombet e Bashkuara, Mike Waltz, deklaroi se SHBA po zhvillon bisedime me disa vende për të dërguar forca detare që do të sigurojnë hapjen e kësaj rruge të rëndësishme. Sipas Trump, vende si Kina, Franca, Japonia, Koreja e Jugut dhe Mbretëria e Bashkuar mund të bashkohen me SHBA-në në këtë operacion.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)