Irani trash zërin: SHBA nuk është më në pozicion për të diktojë politikat e vendeve të tjera

Shtetet e Bashkuara të Amerikës nuk janë më në pozicion për të diktuar politikat e vendeve të tjera sovrane.

Kështu deklaroi zëdhënësi i Ministrisë së Mbrojtjes së Iranit, Reza Talai Nik, gjatë një takimi ministror të Organizatës së Bashkëpunimit të Shangait.

Sipas tij, Uashingtoni duhet të “pranojë këtë realitet” dhe të heqë dorë nga, siç i cilësoi ai, “kërkesat e paligjshme dhe irracionale”.

Talai Nik theksoi gjithashtu se Irani është i gatshëm të ndajë kapacitetet e tij mbrojtëse me vendet e pavarura, veçanërisht me shtetet anëtare të SCO-së.

Këto deklarata vijnë në një kohë kur Shtetet e Bashkuara po shqyrtojnë një propozim nga Teherani për rihapjen e Ngushticës së Hormuzit, një rrugë strategjike detare për tregtinë globale të naftës.

Takimi i SCO-së dhe deklaratat e fundit tregojnë për tensione të vazhdueshme mes Iranit dhe SHBA-së, si dhe për përpjekjet e Teheranit për të forcuar bashkëpunimin me vendet partnere.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)