Aksidentohet autobusi me punëtorë në Turqi, të paktën 4 viktima

Një aksident i rëndë rrugor ka tronditur zonën Esenyurt të Stambollit, ku një autobus që transportonte punëtorë ka dalë nga rruga dhe është përmbysur, duke iu marrë jetën 4 personave dhe plagosur 9 të tjerë.

Dyshohet se autobusi ka humbur kontrollin gjatë lëvizjes, ka dalë nga karrexhata dhe është përmbysur në anë të rrugës.

Menjëherë pas aksidentit, në vendngjarje kanë mbërritur forca të shumta policie, zjarrfikës dhe ekipe mjekësore, të cilat kanë ndërhyrë për të nxjerrë pasagjerët nga autobusi dhe për t’u dhënë ndihmën e parë.

Shërbimet shëndetësore konfirmuan se katër persona u nxorën pa shenja jete, ndërsa të plagosurit u dërguan me urgjencë në spitale të zonës.

Burime mjekësore bëjnë me dije se disa prej tyre ndodhen në gjendje të rëndë shëndetësore dhe po trajtohen në kujdes intensiv.

Autoritetet kanë nisur hetimet për zbardhjen e shkaqeve të aksidentit, ndërsa nuk përjashtohet mundësia që bilanci i viktimave të ndryshojë në orët në vijim.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)