Miliona dollarë baste për ngjarjet gjeopolitike dhe luftrat

Polymarket është platform e basteve që u bë e famshme menjëherë pas kapjes së ish-presidentit të Venezuelës, Nicolas Maduro. Disa baste të vendosura pak momente para operacionit të ushtrisë amerikane, u shoqëruan me përfitime të mëdha.

Megjithatë, faqja sqaron se operacioni i Shteteve të Bashkuara nuk klasifikohet si “pushtim” i Venezuelës, skenar nga i cili ka përfituar 10,5 milionë dollarë nga bastet e vendosura. Në platformën, që vlerësohet 9 miliardë dollarë në treg, nuk ka kufij rreth basteve që mund të vendosen.

Përkrah ndeshjeve të futbollit të Premier League angleze, të basketbollit apo futbollit amerikan, në “Polymarket” mund të luhet kumar me luftrat dhe krizat botërore, mes të cilave zhvillimet në Ukrainë dhe në Venezuelë.

Në këtë platformë kuotohet edhe armëpushimi ndërmjet Moskës dhe Kievit. Volumi i basteve të vendosura nga klientët e Polymarket është thuajse 62 milionë dollarë. Rreth ndërhyrjes ushtarake të Shteteve të Bashkuara në Venezuelë janë vendosur mbi 40 milionë baste.

Foto nga web

Alternativat në faqe janë të thjeshta, aty ka vetëm dy opsione: “Po” ose “Jo”. Ndërkohë, janë publikuar një numër i lart datash kalendarike ku mund të vendosen baste. Aty mund të luhet edhe për dosjet e çështjes “Epstein”, apo edhe për zgjedhet në Portugali, që do të zhvillohen në janar të 2026-ës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)