Mbipopullimi i ujërave dhe temperaturat në rritje të oqeanit, rritet numri i sulmeve nga peshkaqenët

Një peshkaqen sulmoi një djalë rreth 13 vjeç, i cili po notonte në Portin e Sidnej. Adoleshenti është në gjendje kritike për jetën dhe ka pësuar lëndime serioze në këmbë. Policia konfirmoi se sulmi ndodhi pranë “Shark Beach” të Australisë.

Bazuar në shkallën e lëndimeve, autoritetet thanë se mund të ketë qenë një peshkaqen i madh. Oficerët e nxorën djalin nga uji disa minuta pasi u njoftuan për incidentin, i praktikuan qepje në këmbë teksa po e transportonin me varkë policie. I riu u shtrua në Spitalin e Fëmijëve të Sidnej, ku po lufton për jetën.

Shqetësimi për sulmet nga peshkaqenët është rritur së tepërmi gjatë viteve të fundit. Sipas bazës së të dhënave, ku njerëzit janë përballur me peshkaqenët, prej vitit 1791 në Australi kanë ndodhur më tepër se 1,280 incidente, nga të cilat mbi 250 kanë rezultuar fatale.

Sipas studiuesve, ujërat e mbipopulluara dhe temperaturat në rritje të oqeanit, duket se ndikojnë në rrugët e migrimit të peshkaqenëve. Ato cilësohen si elementë që po kontribuojnë në rritjen e sulmeve. Në dy sulmet e fundit të regjistruara pranë Sidnej, gjatë periudhës shtator-nëntor 2025, një sërfist profesionist dhe një grua që po notonte mbetën viktima të sulmeve nga peshkaqenët.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)