Kinematografia dhe skena shqiptare kanë humbur një prej figurave të njohura, pasi është ndarë nga jeta në moshën 68-vjeçare aktori Ilir Shkurti.
I lindur më 30 dhjetor 1957 në Pogradec, Shkurti ishte pjesë e një brezi artistësh që lanë gjurmë në humorin dhe teatrin lokal. Ai u bë veçanërisht i dashur për publikun përmes roleve në Estradën e Pogradecit, ku spikati me interpretime humoristike dhe karakteriale që u pritën me shumë simpati.
Përveç skenës, ai kontribuoi edhe në kinematografinë shqiptare, duke marrë pjesë në disa filma të prodhuar nga Kinostudioja. Ndër rolet e tij përmenden pjesëmarrjet në filmat “Rrethimi i vogël”, “Binarët”, “Ngjyrat e moshës”, “Shkëlqim i përkohshëm” dhe “Kush vdes në këmbë”.
Ilir Shkurti do të kujtohet si një aktor karakteresh, që i dha jetë personazheve të ndryshme dhe kontribuoi në artin shqiptar ndër vite.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)