Një studim i fundit ka zbuluar listën e qyteteve me më shumë multimilionerë në botë. Analiza është realizuar nga Visual Capitalist, bazuar në të dhënat e listës globale të multimilionerëve të revistës Forbes.
Sipas raportit, Kina dhe Shtetet e Bashkuara dominojnë renditjen, me pesë dhe katër qytete respektivisht në top 20. Në vendin e parë renditet Nju Jorku, me 109 multimilionerë rezidentë, duke u shkëputur ndjeshëm nga qytetet e tjera. Pas tij vijnë Hong Kongu në Kinë me 74 multimilionerë dhe Moska në Rusi me 73, duke plotësuar treshen kryesuese të renditjes botërore.
Pozicioni dominues i Nju Jorkut shpjegohet me rolin e tij kyç në financat globale, fluksin e vazhdueshëm të kapitalit ndërkombëtar, si dhe praninë e fuqishme të kompanive të investimeve, pasurive të mëdha të patundshme.
Në Europë, qyteti i parë që shfaqet në listë është Londra. Më poshtë renditen Parisi në vendin e 16-të dhe Milano në vendin e 19-të, si të vetmet qytete evropiane në top 20. Studimi thekson gjithashtu rritjen e peshës së Azisë në përqendrimin e pasurisë globale, me qytete si Hong Kongu, Bombei, Pekini, Shangai, Singapori dhe Shenzheni mes më të pasurve në botë.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)