Papa Leo viziton Xhaminë Blu në Stamboll, por nuk lutet

Papa Leo XIV vizitoi të shtunën Xhaminë Blu në Stamboll, por ndryshe nga paraardhësit e tij, nuk u ndal për lutje. Ai hoqi këpucët dhe përshkoi me qetësi xhaminë e shekullit XVII, ndërsa imami Asgin Tunca e ftoi ta kryente një lutje në “shtëpinë e Allahut”, ftesë që papa e refuzoi. Vatikani sqaroi se ai e përjetoi vizitën “në heshtje dhe respekti për besimin mysliman”.

Vendimi i papritur solli reagime, pasi vizitat e Benediktit XVI dhe Françeskut ishin shoqëruar me lutje. Megjithatë, fokusin kryesor Leo e kishte te marrëdhëniet me udhëheqësit ortodoksë. Në pasditen e së shtunës, ai u bashkua në lutje me Patriarkun Bartolomeu në kishën e Saint George, ku nënshkruan një deklaratë të përbashkët që kërkon hapa të guximshëm drejt unitetit dhe vendosjes së një date të përbashkët për Pashkët.

Foto:AP/Emrah Gurel

Vizita në Turqi u mbyll me meshën në Volkswagen Arena, ku morën pjesë katolikë nga shumë vende. Ndërkohë, ekipi i tij u përball me një sfidë teknike: avioni Airbus i papës ishte ndër mjetet e prekura nga një përditësim i detyrueshëm softuerik, duke kërkuar ndërhyrje të specialistëve përpara nisjes drejt Libanit, destinacioni i radhës në udhëtimin e tij të parë ndërkombëtar.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)