Ngjarje e rëndë në Bulqizë, babai plagos me thikë djalin

Një konflikt brenda familjes ka përfunduar me një ngjarje të rëndë në Bulqizë, ku një 58-vjeçar është vënë në pranga pasi plagosi me thikë djalin e tij 29-vjeçar.

Ngjarja ka ndodhur rreth orës 23:00 të mbrëmjes së 29 janarit 2026, në fshatin Ostren. Sipas policisë, pas një sherri të çastit për motive të dobëta, shtetasi me inicialet B.N. ka goditur me mjet prerës të birin, K.N., brenda banesës.

Menjëherë pas njoftimit, shërbimet e Komisariatit të Policisë Bulqizë kanë ndërhyrë në kohë, duke parandaluar përshkallëzimin e mëtejshëm të konfliktit, si dhe duke arrestuar autorin e dyshuar. Gjithashtu, është sekuestruar edhe thika e përdorur në ngjarje.

I plagosuri është transportuar në spital, ku ndodhet nën kujdesin e mjekëve dhe, sipas bluzave të bardha, është jashtë rrezikut për jetën.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)