Një aksident me një të vdekur ndodhi në zonën e Gjirit të Lalëzit, ku një aksident i rëndë rrugor i mori jetën një 57-vjeçari dhe la të plagosur tre persona të tjerë.
Ngjarja ndodhi rreth orës 22:00, kur dy automjete u përplasën me njëri-tjetrin në një nga akset e zonës bregdetare të Durrësit. Si pasojë e përplasjes së fortë humbi jetën një 57-vjeçar, i cili ndodhej pasagjer në njërin prej mjeteve.
Nga aksidenti mbetën të plagosur edhe drejtuesit e të dy automjeteve, si dhe një pasagjer tjetër, të cilët morën ndihmë mjekësore.
Sipas policisë, pas verifikimeve të kryera rezultoi se të dy shoferët po drejtonin mjetet në gjendje të dehur në momentin e aksidentit. Për këtë arsye, ata janë arrestuar në flagrancë.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)