Plagosja e 18-vjeçares në hotelin në Sauk, arrestohet i dashuri, Erisjaldo Gjuta

Policia e kryeqytetit ka vënë në pranga 22-vjeçarin Erisjaldo Gjuta, i dashuri i 18-vjeçares që plagosi veten me armë zjarri ditën e djeshme në ambientet e hotelit “Gjuta” në zonën e Saukut.

I riu u shpall në kërkim ditën e djeshme pasi akuzohet se nuk kallëzoi krimin në polici, teksa familjarë të tij transportuan me urgjencë në spital vajzën, duke bërë të mundur ndërhyrjen në kohë të mjekëve.

“Specialistët për Hetimin e Krimeve kundër Jetës dhe Pronës, në bashkëpunim me Komisariatin e Policisë Nr. 1, kapën dhe ndaluan shtetasin E. Gj., 22 vjeç, i shpallur në kërkim ditën e djeshme për veprat penale “Moskallëzim i krimit”, “Veprime që pengojnë zbulimin e të vërtetës”, kryer në bashkëpunim, dhe “Mbajtja pa leje e armëve shpërthyese dhe municionit”, informon policia.

Sipas njoftimit të parë të policisë mbi ngjarjen, rezulton se 18-vjeçarja me inicialet N.M., u dërgua në spitalin e Traumës rreth orës 00:15 të 14 shkurtit, nga nëna e 22-vjeçarit Mirvete Gjuta, tashmë e arrestuar, dhe nga kushëriri i Erisjaldos, 24-vjeçari Elvir Gjuta, i shpallur në kërkim nga policia.

LEXO MË SHUMË

Kronikë

“Doja të vrisja veten, kam gabuar në jetë”, dëshmia rrëqethëse e 18-vjeçares që u vetëplagos

Kishte tentuar edhe më parë të dëmtonte veten, pronarët e hotelit, njëkohësisht familjarët e të dashurit të saj tentuan të fshihnin ngjarjen nga frika e e reja mund të humbiste jetën.

11:01 15 ditë më parë14.02.2026.

Autori

Kronikë

Shën Valentin i përgjakur në Tiranë, zbardhet plagosja e studentes 18-vjeçare

Vajza dyshohet se është vetë plagosur me armë zjarri, ndërsa pas këqyrjes së pamjeve të kamerave të sigurisë, u arrestuan 2 shtetas dhe u shpallën në kërkim 3 të tjerë.

08:54 15 ditë më parë14.02.2026.

Autori

Vajza rezulton e plagosur me armë zjarri në gjoks dhe tashmë ndodhet në gjendje të mirë shëndetësore, pasi i është nënshtruar një ndërhyrje kirurgjikale. Sipas dëshmisë së zbardhur, 18-vjeçarja ka deklaruar: “Doja të vrisja veten, kam gabuar në jetë”. Ngjarja ka ndodhur ndërsa N.M. ishte vetëm në dhomën e gjumit në një hotel në Sauk dhe ka qëlluar veten me armë zjarri.

Sakaq, Erisjaldo Gjuta rezulton të jetë nipi i Vladimir Gjutës, një personazh i njohur për policinë.

Pas këqyrjes së kamerave të sigurisë së hotelit, policia ka arrestuar pronarit, Vladimir Gjuta, dhe nënën e 22-vjeçarit, Mirvete Gjuta. Të dy akuzohen për veprat penale “Moskallëzim i krimit” dhe “Veprime që pengojnë zbulimin e së vërtetës”.

Në kërkim u shpallën Sajmir Gjuta 49 vjeç babai i 22-vjeçarit, kushëriri Elvir Gjuta (24 vjeç), si edhe vetë Erisjaldo Gjuta, i cili u ndalua sot.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)