Zjarr në Bulqizë, era favorizon flakët

Me rritjen e temperaturave dhe afrimin e sezonit të thatë, rreziku i zjarreve në natyrë rikthehet si një ndër shqetësimet kryesore në vend. Një situatë e tillë është shfaqur së fundmi në zonën e Bulqizës, ku flakët kanë përfshirë sipërfaqe të konsiderueshme.

Pasditen e sotme, një vatër zjarri u aktivizua në fshatin Krajkë, duke djegur shkurre dhe duke iu afruar rrezikshëm banesave të zonës. Sipas pamjeve, përhapja e flakëve është favorizuar nga era e fortë, duke e bërë më të vështirë kontrollin e situatës. Ndërkohë, pritet ndërhyrja e autoriteteve për të neutralizuar zjarrin dhe për të shmangur dëme më të mëdha.

Raste të tilla përsëriten çdo vit në Qarkun Dibër, shpesh si pasojë e djegies së barishteve nga banorët. Autoritetet u bëjnë thirrje qytetarëve të tregojnë kujdes maksimal, duke paralajmëruar edhe ndëshkime ligjore për çdo rast neglizhence.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)