PD mbledh e vetme Këshillin e Mandateve, Bardhi: Balluku mund të prishë provat

Kryetari i grupit të PD, Gazment Bardhi dhe anëtarët e tjerë demokratë në Këshillin e Mandateve mbajtën një mbledhje që ata vetë kishin thirrur  që të mbahej, në lidhje me kërkesën e SPAK për heqjen e imunitetit të zv.kryeministres Belinda Balluku, pa praninë e mazhorancës.

Në fjalën e tij, Bardhi teksa lexoi një pjesë të kërkesës se përse duhej hequr imuniteti i Ballukut, shtoi se socialistët në këtë Këshill kanë marrë në mbrojtje zv.kryeministren dhe janë kthyer në avokatë të saj.

“Njësoj si kriminelët që i fshihen drejtësisë edhe kolegët e mazhorancës janë të fshehur. Nuk janë paraqitur në një mbledhje të vlefshme. Pengimi i drejtësisë me urdhër politik të Edi Ramës është akti më i rëndë që ka kryer ky kuvend gjatë këtyre viteve demokraci. Nuk mundet që një kryeministër të urdhërojë deputetët të mbledhë Këshillin e Mandateve.

SPAK ka argumentuar se “në vijim të hetimeve nga përdorimi i metodave speciale kanë rezultuar të dhëna se nga ana e Ballukut ka ushtruar presion në forma të ndryshme ndaj personit të pyetur, konkretisht një vartësja të saj. Jemi në kushtet e zëvendësimit të masës së sigurimit për Belinda Ballukun. Vlerësojmë se pas caktimit të masës së sigurimit, nevojat e sigurimit janë rënduar ndaj të pandehurës Belinda Balluku. Pasi po kryhen hetime penale për procedura të tjera. Gjendja e lirë e të pandehurës paraqit rrezik real. Ekziston mundësia që ajo të asgjësojë ose të prishë provat. E pandehura Belinda Balluku ka bërë përpjekje për të ndikuar tek dëshmitarët. Largimi i të pandehurës është evident”, tha Bardhi.

Pas kësaj deklarate, Gazment Bardhi u shpreh se do të kërkojë një mbledhje tjetër të Këshillit të Mandateve ditën e premte.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)