Turi i Salianjit ndalon në Himarë, kritika të ashpra për drejtimin e Partisë Demokratike

Anëtari i Kryesisë së Partisë Demokratike, Ervin Salianji ka vijuar turin e tij të takimeve me demokratët në qytetin e Himarës.

E teksa akuzoi qeverisjen e Ramës për shkretimin e vendit, Salianji bëri kriktika dhe ndaj lidershipit të PD, i cili sipas tij po shkatërron garën në parti dhe po komanton drejtues pa pyetur anëtarësinë.

“Partia Demokratike duhet të jetë modeli i epërsisë morale përballë qeverisë.

Nëse Edi Rama dhe qeveria e tij kanë shkretuar Shqipërinë përmes keqqeverisjes, është e papranueshme që lidershipi që sot drejton demokratët të shkatërrojë garat, të pilotojë kryetarë pa pyetur anëtarësinë dhe, aq më keq, ta përjashtojë anëtarët dhe drejtuesit e strukturave nga vendimmarrja.

Sot isha në Himarë, së bashku me sekretarin e degës, dy ish-kryetarët e degës, ish-kandidaten për Bashkinë dhe drejtuesin e ish-të përndjekurve politikë, për të dëgjuar shqetësimet reale të demokratëve lidhur me farsën që është zhvilluar në këtë degë. Ajo që po ndodh në Himarë është e papranueshme për çdo demokrat që beson te parimet dhe te vota e lirë.Demokratët vendosin. Demokratët duhet të dëgjohen.

Ata janë pronarët e Partisë Demokratike dhe sakrifikuesit më të mëdhenj përballë regjimit. Pa respekt për anëtarësinë, nuk ka opozitë morale; pa demokraci të brendshme, nuk ka besueshmëri përballë qytetarëve”, shkruan Salianji.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)