Berisha, thirrje Policisë dhe rinisë për 20 shkurtin: Mos zbatoni urdhra të paligjshëm, Tirana të “derdhet në shesh”

Thirrjet ndaj Policisë së Shtetit dhe mobilizimi për protestën e 20 shkurtit ishin në qendër të fjalës së kreut të Partisë Demokratike, Sali Berisha, gjatë Foltores së mbajtur në Tiranë dhe tubimit para Kryeministrisë pasditen e së hënës.

Berisha u bëri apel efektivëve të policisë që të mos zbatojnë, sipas tij, “urdhrat e paligjshëm” të drejtuesve të lartë, duke përmendur me emër Drejtorin e Përgjithshëm të Policisë, Proda, dhe zyrtarin Sokol Bizhga. “Nuk ju bashkon asgjë me ata kriminelë, urdhrat e tyre asnjë të mos i zbatojë”, deklaroi ai, ndërsa paralajmëroi se çdo keqtrajtim ndaj qytetarëve dhe të rinjve do të përballet me reagim.

Kreu i PD dënoi atë që e cilësoi si dhunë fizike dhe psikologjike ndaj të rinjve të arrestuar gjatë protestës së 10 shkurtit, duke përmendur edhe rastin e një oficereje që, sipas tij, ishte paraqitur si psikologe pranë adoleshentëve të ndaluar.

LEXO MË SHUMË

Politikë

Berisha sulmon Ramën për vizitën në Kosovë: Akt hipokrizie dhe pazare të turpshme në dëm të Prishtinës

Vizita e kryeministrit Edi Rama në Prishtinë ka sjellë reagimin e kryetarit të Partisë Demokratike, Sali Berisha, i cili e ka dënuar ashpër këtë vizitë, duke e cilësuar atë si “akt hipokrizie” dhe duke e akuzuar Ramën për qëndrime armiqësore ndaj Kosovës.

17:53 4 ditë më parë16.02.2026.

Autori

Politikë

“Dorëheqja e Edi Ramës e zgjidh krizën”, Berisha: Ndryshimet ligjore të PS asgjësojnë sistemin e drejtësisë

Sali Berisha e akuzoi kryeministrin Edi Rama se, për të mbrojtur veten nga përgjegjësitë ligjore, po ndërmerr hapa që dëmtojnë në themel sistemin e drejtësisë.

13:26 4 ditë më parë16.02.2026.

Autori

Politikë

“Rama do i hidhte vaj në vesh Belindës”, Berisha: Ndryshimi në ligjin për pezullimin e ministrave, i pashembullt

Sali Berisha ka dënuar përpjekjet e mazhorancës për ndryshimin e ligjit që pengon institucionet e drejtësisë të pezullojnë nga detyra ministrat. Sipas tij, Rama e bën këtë gjë për të mbrojtur veten e tij.

10:35 4 ditë më parë16.02.2026.

Autori

Në fjalën e tij, Berisha sulmoi ashpër edhe kryeministrin Edi Rama, duke e akuzuar për korrupsion dhe shpërdorim pushteti. Ai deklaroi se opozita, përmes “kryengritjes paqësore”, ka denoncuar qeverinë në sytë e opinionit ndërkombëtar dhe paralajmëroi se “populli do të veprojë” ndaj saj.

Berisha akuzoi Ramën se përdor mandatet politike si mburojë për të vjedhur pasuritë publike, duke paralajmëruar se çdo pasuri e fituar në mënyrë të paligjshme, sipas tij, do të konfiskohet.

Ai i bëri thirrje qytetarëve dhe veçanërisht rinisë që më 20 shkurt “Tirana të derdhet në rrugë”, duke e cilësuar këtë si moment vendimtar për të ardhmen politike të vendit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)