Rama thërret të dielën drejtuesit politikë të PS pas ndryshimeve në Asamblenë Kombëtare

Pas ndryshimeve të miratuara këtë të shtunë në Asamblenë Kombëtare të Partisë Socialiste në gjashtë qarqe të vendit, kryeministri Edi Rama ka thirrur një mbledhje me drejtuesit politikë të partisë. Takimi pritet të zhvillohet këtë të diel në selinë e PS-së, duke nisur prej orës 10:00 të paradites.

Konfirmimi është dhënë nga burime zyrtare pranë forcës qeverisësë. Në fokus të mbledhjes do të jetë analiza e procesit zgjedhor brenda strukturave të partisë, si edhe organizimi i mëtejshëm në nivel lokal pas riorganizimeve të fundit në gjashtë qarqet e vendit.

Mes gjashtë ndryshimeve të bëra, një prej lëvizjeve më të rëndësishme ishte emërimi i Taulant Ballës në krye të qarkut Tiranë. Atij i është besuar edhe njësia 5 në kryeqytet, së bashku me Erion Braçen dhe Fatmir Xhafajn, teksa ka mbajtur edhe detyrën e koordinatorit të socialistëve për diasporën.

Ministri i Energjisë, Enea Karakaçi ka marrë drejtimin e qarkut Shkodër, ndërsa ministri i Mbrojtjes, Ermal Nufi atë të qarkut Lezhë. Gjithashtu, Ulsi Manja ka zëvendësuar Blendi Klosin, duke u rikthyer në Dibër.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)