Kupa e Afrikës, Mali kalon në çerekfinale pa fituar asnjë ndeshje

Ky edicion i Kupës së Afrikës ka dhuruar përrallën e Malit. Ata fituan me rezultatin 3-2 kundër Tunizisë në fazën e 1/8, vetëm pas ekzekutimit të penalltive. Ndërkohë, loja e rregullt dhe kohët shtesë përfunduan në barazim 1-1.

Një triumf i vuajtur, edhe sepse Mali mbeti në inferioritet numerik pas 26 minutave lojë, prej ndërhyrjes brutale të Coulibaly që aktivizohet me Sassuolo-n në Serie A italiane. Tunizia shënoi në të 88-ën me Chaouat, por në minutën e gjashtë shtesë, Sinayoko riktheu barazpeshën me penallti.

Koha shtesë nuk prodhoi asnjë gol dhe për të caktuar fituesin ishin të nevojshme goditjet e penalltive. Nga pika e bardhë, Mali siguroi kalimin në çerekfinale, pas fituar asnjë ndeshje në këtë edicion.

Edhe nga faza e grupeve, ata u kualifikuan vetëm falë tre barazimeve me Marokun, Komoros dhe Zambian. Të premten, më datë 9 janar, Mali do të sfidojë favoritët e Senegalit për një vend në gjysmëfinalet e Kupës së Afrikës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)