Nis ndërtimi i stadiumit më të madh në botë

Vietnami ka nisur zyrtarisht ndërtimin e stadiumit më të madh të futbollit në botë, pasi janë publikuar imazhet e para dhe detaje mbresëlënëse të projektit gjigant “Trong Dong Stadium”, i cili do të ketë një kapacitet deri në 135 mijë spektatorë. Projekti është miratuar nga autoritetet e Hanoit në dhjetor dhe është pjesë e një kompleksi të madh sportiv dhe rezidencial, të quajtur “Olympic Sports City”, me një kosto totale prej rreth 28 miliardë paundësh.

Stadiumi do të jetë zemra e këtij projekti dhe pritet të shërbejë për ngjarje të mëdha sportive, kulturore dhe socio-politike, duke synuar rritjen e prestigjit ndërkombëtar të Vietnamit. Arkitektura e tij është frymëzuar nga daullja prej bronzi Dong Son, një simbol i qytetërimit të lashtë vietnamez, që përfaqëson forcën, unitetin dhe jetëgjatësinë.

Foto: Trong Dong Stadium

Sipas planeve, “Trong Dong Stadium” do të tejkalojë stadiumin “Rungrado 1st of May” në Korenë e Veriut, duke u bërë stadiumi me kapacitetin më të madh të ulëseve në botë, rreth 114 mijë vende. Ai do të lërë pas edhe stadiumin “Hassan II” në Marok, që po ndërtohet për Kupën e Botës 2030.

Stadiumi do të ketë mbulesë të lëvizshme më të madhe në botë. Ndërtimi pritet të përfundojë në vitin 2028, ndërsa i gjithë projekti deri në vitin 2035, duke i hapur rrugë Vietnamit për të organizuar evente madhore si Kupa e Botës dhe Lojërat Olimpike.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)