Guardiola tenton të “korruptojë” Burnley-n: Nga një Rolex për kokë nëse ndalni Arsenalin

Gara për titullin kampion në Premier League ka hyrë në fazën më të nxehtë të sezonit, me diferenca minimale mes pretendentëve, teksa çdo ndeshje që mund të ndryshojë fatin e kampionatit.

Në këtë klimë, një deklaratë e trajnerit të Manchester City, Pep Guardiola, ka marrë vëmendje të madhe në mediat angleze.

Pas fitores ndaj Crystal Palace, kampionët në fuqi kanë ngushtuar diferencën me liderët e Arsenalit, duke rihapur plotësisht garën për vendin e parë. Megjithatë, fati i titullit nuk varet vetëm nga rezultatet e Cityt, por edhe nga hapat që do të hedhin kundërshtarët e Arsenal në javët e mbetura.

Sipas raportimeve të mediave britanike, Guardiola ka bërë një deklaratë në konferencën për shtyp, duke lënë të kuptohet se një rezultat surprizë i Burnleyt ndaj Arsenalit do të ishte i veçantë për garën e titullit.

Në mënyrë të interpretuar si shaka dhe motivim për ekipin kundërshtar, trajneri spanjoll ka lënë të kuptohet se do të shpërblente lojtarët e Burnleyt me nga një orë Rolex për kokë nëse ata arrijnë të ndalin “Topçinjtë”.

Deklarata ka marrë jehonë të menjëhershme në media, duke u komentuar gjerësisht si një përpjekje psikologjike për të rritur presionin mbi rivalët e Arsenalit në javët vendimtare të sezonit.

Në qendër të vëmendjes është edhe sulmuesi i kombëtares shqiptare, Armando Broja, i cili aktivizohet me Burnleyn dhe pritet të jetë një nga figurat kryesore në ndeshjen ndaj Arsenalit.

Arsenali, nga ana tjetër, hyn në këtë ndeshje me vetëm një objektiv, fitoren. Skuadra e Mikel Artetës nuk ka hapësirë për gabime, pasi çdo pikë e humbur mund t’i kushtojë shumë në betejën me Cityn.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)