Incident në NFL, lojtari i Pittsburgh, grusht tifozit kundërshtar

Një moment i pazakontë dhe i diskutueshëm u regjistrua gjatë ndeshjes së NFL-së mes Detroit Lions dhe Pittsburgh Steelers, ku protagonisti kryesor ishte ylli i Steelers, DK Metcalf.

Ngjarja ndodhi në çerekun e dytë të takimit dhe u kap nga kamerat televizive. Metcalf, i cili luan si marrës për Pittsburghun, u përfshi fillimisht në një debat verbal me një tifoz të Detroitit, i cili ndodhej pranë fushës dhe ishte përkulur mbi kangjellat.

Debati verbal u përshkallëzua, dhe në një moment Metcalf reagoi duke e goditur tifozin me grusht në fytyrë. Tifozi ngriti menjëherë krahët për të sinjalizuar atë që kishte ndodhur, ndërsa lojtari u largua nga vendi i incidentit dhe iu bashkua sërish bashkëlojtarëve të tij.

Sipas raportimeve, gjatë zhvillimit të ndeshjes nuk u mor asnjë masë disiplinore ndaj Metcalf për këtë veprim, megjithatë episodi ka nxitur reagime dhe debat mbi sjelljen e lojtarëve ndaj tifozëve në evente sportive.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)