“Ai u ftua. Ai e pranoi!” Putin do të bëhet pjesë e Bordit të Paqes, e konfirmon Trump

Presidenti amerikan Donald Trump njoftoi të mërkurën se Presidenti rus Vladimir Putin ka pranuar ftesën për t’iu bashkuar Bordit të Paqes, e propozuar nga Trump për të mbikëqyrur rindërtimin e Gazës.

Trump tha se qëllimi i bordit është të përfshijë të gjitha vendet ku njerëzit kanë kontroll dhe pushtet, duke e bërë këtë organizëm si “më i madhi ndonjëherë”.

Presidenti pranoi se pjesëmarrja e disa liderëve, përfshirë Putinin, mund të jetë e kontestueshme, por theksoi se janë njerëz që “bëjnë punën”.

Ai shtoi: “Ai u ftua. Ai e pranoi.” Trump nënvizoi rëndësinë e përfshirjes së të gjithë kombeve për të shmangur problemet dhe për të siguruar suksesin e rindërtimit në Gaza, duke e përshkruar këtë si një përpjekje ndërkombëtare të pa precedent.

Pas ftesës së Trump edhe Edi Rama dhe Vjosa Osmani kanë pranuar të bëhen pjesë e Bordit të Paqes. Të enjten pritet të miratohet edhe nga Parlamenti.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)