Irani bën lëmsh dhe FIFA-n, tjetër kërkesë për pjesëmarrjen në Kupën e Botës

Federata Iraniane e Futbollit ka  nisur negociatat me FIFA-n për zhvendosjen e ndeshjeve të Kupës së Botës të Iranit në Meksikë dhe jo në Shtetet e Bashkuara të Amerikës, kjo edhe për shkak të konfliktit mes dy vendeve që tashmë ka hyrë në javën e tij të tretë.

Presidenti i Federatës Iraniane të Futbollit Mehdi Taj shkroi në një postim në X se presidenti Trump e tha shprehimisht se nuk mund të sigurojë ekipin iranian dhe për këtë arsye “nuk mund të udhëtojnë drejt SHBA”.

Javën e kaluar, ministri i sportit i Iranit tha se nuk ishte e mundur që lojtarët iranianë të merrnin pjesë në turne, pasi SHBA-të nisën sulme ajrore së bashku me Izraelin kundër Iranit.

Presidenti i SHBA-së, Donald Trump tha për këtë çështje se Irani do të ishte “i mirëpritur në Kupën e Botës”, por se nuk beson se do të ishte “e përshtatshme që ata të ishin atje, për jetën dhe sigurinë e tyre”.

Ekipi iranian është planifikuar të luajë dy ndeshje në fazën e grupeve në Los Angeles dhe një në Seattle.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)