Ministria e Mbrojtjes e Katarit ka njoftuar se vendi është sulmuar të hënën nga raketa të lëshuara nga Iran, por shumica e tyre janë interceptuar nga sistemet e mbrojtjes ajrore.
Sipas autoriteteve, sulmi përfshinte 14 raketa balistike dhe disa dronë. Nga këto, 13 raketa balistike u kapën, ndërsa të gjithë dronët u neutralizuan nga mbrojtja ajrore.
Ministria tha se një raketë ra në një zonë të pabanuar, pa shkaktuar viktima apo dëme.
Ndërkohë, agjencitë ndërkombëtare të lajmeve raportojnë për shpërthime në kryeqytetin e Irakut, Bagdad, pranë ambasadës së amerikane.
Sipas gazetarëve të AFP, shpërthimet janë dëgjuar në një zonë shumë të siguruar ku ndodhen misione diplomatike dhe organizata ndërkombëtare, përfshirë ambasadën amerikane.
Një dëshmitar i tha Reuters se pranë ambasadës u dëgjuan shpërthime dhe sirena alarmi. Ambasada amerikane në këtë zonë është shënjestruar disa herë që nga fillimi i konfliktit mes SHBA-së, Izraelit dhe Iranit.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)