Plas grushti në ajër, avioni i nisur nga Turqia bën ulje të detyruar në Bruksel

Një fluturim i kompanisë Jet2 nga Antalya në Turqi drejt Manchester-it në Mbretërinë e Bashkuar u detyrua të devijohej drejt Brukselit të enjten, pas një sherri të dhunshëm që shpërtheu në kabinën e avionit. Në ngjarje u përfshinë disa pasagjerë. Video dramatike të shpërndara në rrjetet sociale tregojnë burra dhe gra të moshave të ndryshme duke u përplasur në korridor, duke shkëmbyer grushte dhe duke u shtyrë, ndërsa britmat e tyre u përhapën në gjithë avionin.

Policia priti avionin në Bruksel dhe largoi dy pasagjerë, të cilët tani janë të përjashtuar përgjithmonë nga fluturimet me Jet2. Kompania e përshkroi incidentin si pasojë e “sjelljes së papranueshme të dy pasagjerëve problematikë” dhe njoftoi se do të ndjekë ligjërisht për të rikuperuar shpenzimet e shkaktuara nga devijimi i fluturimit.

Jet2, një linjë ajrore me kosto të ulët nga Mbretëria e Bashkuar, ka një histori të veprimeve të rrepta ndaj pasagjerëve problematikë. Në 2022, dy vëllezër u dënuan me 50 mijë paund dhe u përjashtuan përgjithmonë pasi shkaktuan devijimin e një fluturimi. Po ashtu, një çift u përjashtua në 2017 për një sherr fizik gjatë fluturimit.

Ekspertët e sjelljes theksojnë se incidentet e quajtura “marrëzi në ajër” u rritën ndjeshëm pas periudhave të karantinës gjatë pandemisë COVID-19. Sipas Administratës Federale të Aviacionit të SHBA-së, këto lloj konflikte u shtuan me 400% nga viti 2019 deri në 2025. Kushtet e ngushta në avion mund të përshpejtojnë tensionet dhe përpjekjet e ekuipazhit ose pasagjerëve për t’i qetësuar situatat ndonjëherë mund t’i përkeqësojnë ato.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)