Afgani sulmon Dëshmitarët e Jehovahit në Gjermani, 3 të plagosur

Tre besimtarë të Dëshmitarëve të Jehovahit u mbetën të plagosur pasi u sulmuan me thikë në një stacion treni në Würzburg të Gjermanisë.

Autori, një 35 vjeçar nga Afganistani, u afrua pranë stendës ku qëndronin Dëshmitarët e Jehovait në stacionin kryesor të trenit dhe pa asnjë paralajmërim nisi t’i godiste ata me thikën që kishte me vete.

Fatmirësisht, të tre personat kanë marrë plagë të lehta dhe janë jashtë rrezikut për jetën, teksa autori u neutralizua nga policia dhe nga disa kalimtarë që ndodheshin pranë vendngjarjes.

Më pas, forca të shumta shkuan në zonë dhe nisën të mbledhin prova dhe kamerat e sigurisë për të siguruar një dinamikë më të qartë të këtij incidenti të rëndë.

Shkaqet e këtij sulmi janë ende të paqarta, teksa policia fton këdo që ka informacion të nevojshëm për këtë ngjarje të telefonojë në numrat e saj.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)