Pas Korçës, Rama viziton Vlorën me grupin e investitorëve ndërkombëtarë

Pas vizitës në Korçë, kryeministri Edi Rama ka mbërritur këtë të hënë edhe në Vlorë. Ai shoqërohej nga ministrja e Turizmit dhe Mjedisit, Mirela Kumbaro, si dhe një grup investitorësh ndërkombëtarë.

Kreu i qeverisë ka udhëtuar me helikopterin e Forcave të Armatosura drejt qytetit bregdetar. Mjeti fluturues që transportonte kryeministrin u ul i pari pranë ish-fushës së aviacionit në qytetin bregdetar. Pas tij u ul edhe helikopteri i vogël i të ftuarve.

Foto nga video

Gjatë qëndrimit në Vlorë, zoti Rama ka zhvilluar një sërë inspektimesh në disa prej investimeve kryesore. Fillimisht, ai u ndal në qendrën multifunksionale pranë Sheshit të Flamurit, ku ka ndjekur nga afër ecurinë e projektit. Më pas, kryeministri ka inspektuar punimet në muzeun hebraik, një investim që synon të pasurojë ofertën kulturore dhe historike të qytetit.

Vizita vazhdoi me ndalesën në zonën pranë ish-rrugës së Hebrenjve, në qendrën historike të Vlorës, ku po kryhen ndërhyrje për rikualifikimin urban, ndërsa agjenda e kryeministrit parashikonte edhe vizitën në Orikum, për të shqyrtuar të tjera projekte zhvillimi për këtë zonë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)