Ngjarja e pazakontë në Francë, Hittler mundi Zielensky

Lufta nuk zhvillohet vetëm në fushëbetejë. Ajo lidhet edhe me kutitë e votimit dhe besimin që merret nga qytetarët. Në komunën e vogël franceze Arcis-sur-Aube, raundi i parë i zgjedhjeve vendore ka tërhequr vëmendje të madhe në rrjetet sociale për shkak të mbiemrave të dy kandidatëve kryesorë.

Foto ilustruese

Në garë janë përballur Charles Hittler dhe Antoine Renaud-Zelensky. Sipas rezultateve të raundit të parë, Hittler ka marrë më shumë vota se kundërshtari i tij. Situata është bërë virale në internet sepse mbiemrat e kandidatëve kujtojnë emrat e figurave të njohura ndërkombëtare si Adolf Hitler dhe Volodymyr Zelenskyy.

Vetë kandidati Charles Hittler ka reaguar për komentet dhe shakatë që lidhen me mbiemrin e tij. Ai ka deklaruar se është mësuar prej kohësh me reagimet e tilla dhe se nuk ka menduar ta ndryshojë mbiemrin. “Fakti që e kam mbajtur mbiemrin, është për të treguar se jo gjithkush me një emër të tillë është idiot. Gjithçka varet nga mënyra se si një individ e përdor”, tha politikani francez.

Foto ilustruese

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)