Hiqet vetoja e dy vendeve, BE miraton paketën e 20 të sanksioneve ndaj Rusisë

Bashkimi Evropian ka miratuar paketën e 20-të të sanksioneve kundër Rusisë, duke zgjeruar ndjeshëm masat ndëshkuese ndaj sektorit financiar dhe përpjekjeve për të anashkaluar kufizimet ekzistuese.

Vendimi u njoftua nga presidenti i Këshillit Evropian, António Costa, pasi Hungaria dhe Sllovakia hoqën veton e tyre ndaj paketës.

Sanksionet e reja përfshijnë ndalimin e 20 bankave ruse nga kryerja e pagesave në euro dhe bashkëpunimi me kompani brenda BE-së. Me këtë shtesë, numri total i institucioneve financiare ruse të sanksionuara arrin në 70.

Këto masa synojnë të kufizojnë më tej aftësinë e Rusisë për të zhvilluar tregti ndërkombëtare, sidomos duke i përjashtuar bankat nga sistemi global i pagesave SWIFT.

Për herë të parë, BE ka ndërmarrë edhe hapa të drejtpërdrejtë kundër vendeve që dyshohet se ndihmojnë Moskën të shmangë sanksionet. Katër banka nga Kirgistani, Laosi dhe Azerbajxhani janë përfshirë në listë, ndërsa kompanitë evropiane ndalohen të bashkëpunojnë me firma ruse që përdorin kriptomonedha për transaksione.

Gjithashtu, BE ka kufizuar eksportin e mallrave teknologjikë drejt Kirgistanit, pas zbulimeve për rishitje të tyre në Rusi. Kjo është hera e parë që përdoret mekanizmi kundër shmangies së sanksioneve.

Zyrtarët evropianë theksojnë se qëllimi mbetet dobësimi i kapaciteteve ekonomike të Rusisë dhe forcimi i mbështetjes për Ukrainën.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)