Mister fati i Khameneit, mediat izraelite: Eshtë vrarë në sulmin e parë! Irani: Është ende gjallë!

Prej orëve të para të mëngjesit kur Izraeli dhe Shtetet e Bashkuara të Amerikës nisën sulmin ndaj Iranit, lideri suprem i vendit nuk është bërë i gjallë, ndërsa pallati i tij në Teheran është bërë shkrumb e hi.

Ka indikacione në rritje se Khamenei është vrarë në valën e parë të sulmeve ajrore të SHBA-së dhe Izraelit, me mediat izraelite që raportojnë se Udhëheqësi Suprem nuk është gjallë.

Media izraelite Channel 12 tha se burime të paidentifikuara kishin zbuluar se kishte indikacione në rritje se udhëheqësi ishte vrarë gjatë sulmeve ajrore të mëngjesit të sotëm ose se ai ishte "të paktën i lënduar".

Zyrtarët kishin raportuar më parë se sulmet kishin shkaktuar dëme shumë të konsiderueshme për udhëheqjen e regjimit iranian dhe komandantët e tij ushtarakë.

Burime izraelite thanë sot se Presidenti Donald Trump shënjestroi posaçërisht udhëheqësin suprem të Iranit në valën e parë të sulmeve të përbashkëta me raketa.

Shpërthimet fillestare besohet se kanë ndodhur pranë zyrave të Ajatollah Ali Khamenei në Teheran.

Rezultatet e sulmeve janë të paqarta, tha një zyrtar izraelit, ndërsa raportet e mëparshme sugjeronin se udhëheqësi suprem ishte zhvendosur nga Teherani në një vend të sigurt.

Raportimet e mediave izraelite i ka mohuar ministri i Jashtëm i Iranit, Abbas Araghchi, i cili tha për NBC News, se “për aq sa di unë, Udhëheqësi Suprem i Iranit, Ajatollah Ali Khamenei, është ende gjallë”.

LEXO MË SHUMË

Lindja e Mesme

Bombardimet goditën shkollën fillore për vajza, 40 nxënëse humbën jetën

Agjencia iraniane “ISNA” njoftoi se ngjarja ka ndodhur në distriktin Minab, në provincën jugore të Hormozganit.

14:49 45 ditë më parë28.02.2026.

Autori

Lindja e Mesme

Sulmet ndaj Iranit, kaos në Teheran: Trafik i rënduar dhe “çmenduri” në supermarkete

Këshilli i Sigurisë Kombëtare i Iranit u ka bërë thirrje banorëve të largohen nga kryeqyteti pas nisjes së operacioneve ushtarake nga SHBA dhe Izraeli.

14:27 45 ditë më parë28.02.2026.

Autori

Lindja e Mesme

Eliminohet Mohammad Pakpour, udhëheqësi i Gardës Revolucionare. Shkatërrohet rezidenca e Khameneit

Gjenerali njihej edhe si “kasapi” i protestuesve. Ai cilësohej përgjegjës për vdekjen e qindra personave që dilnin në sheshe gjatë tubimeve kundër regjimit në Teheran.

12:33 45 ditë më parë28.02.2026.

Autori

Duke folur drejtpërdrejt, Araghchi pranoi gjithashtu se dy komandantë kanë vdekur nga sulmet, por zyrtarët e lartë të regjimit kanë mbijetuar.

“Të gjithë zyrtarët e lartë janë gjallë. Pra, të gjithë janë tani në pozicionin e tyre, siç edhe ne po e trajtojmë këtë situatë, dhe gjithçka është në rregull”, deklaroi ai.

Ndërkohë në një postim në platformën ‘X’, Araghchi thotë se Donald Trump me sulmin e sotëm e ka bërë "Izraelin të parin", një ironi kjo ndaj sloganit të tij MAGA.

Në komentet e tij të para publike pas sulmeve të përbashkëta ushtarake SHBA-Izrael që goditën objektiva në të gjithë Iranin, Araghchi shkroi në X se "lufta e kryeministrit Benjamin Netanjahu dhe Trump ndaj Iranit është tërësisht e paprovokuar dhe e paligjshme".

"Trump e ka shndërruar 'Amerika e Para' në 'Izraeli i Pari', dhe kjo do të thotë 'Amerika e Fundit'", shkruan ministri i Jashtëm iranian, duke ndarë një postim në rrjetet sociale që Trump bëri në vitin 2012, në të cilin ai kritikoi presidentin e atëhershëm Barack Obama për përpjekjen për të nisur një operacion ushtarak në Libi ose Iran për shkak të shifrave të këqija të sondazheve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)