Pentagoni e konfirmon: Mbi 20 anije iraniane të goditura ose të fundosura

Pentagon ka bërë të ditur se forcat amerikane kanë goditur ose fundosur mbi 20 anije të regjimit iranian gjatë operacioneve të fundit ushtarake. “Në total, forcat e Shteteve të Bashkuara kanë goditur ose çuar në fund të oqeanit më shumë se 20 anije të regjimit iranian. Mbrëmë, Komanda Qendrore e Shteteve të Bashkuara i shtoi listës një anije luftarake të klasës Soleimani”, thuhej në një deklaratë të publikuar në rrjetin social X.

Anija luftarake më e fundit që u godit ishte “Iris Dena”, një nga krenaritë e marinës iraniane. Ajo ishte një destrojer me gjatësi 94 metra dhe me zhvendosje prej rreth 1,500 tonësh. E pajisur me katër motorë të prodhimit iranian dhe me sistem lëshimi vertikal raketash, anija kishte aftësinë të interceptonte deri në 40 objektiva dhe të përballej njëkohësisht me pesë prej tyre.

Sipas agjencisë indiane të lajmeve Press Trust of India, anija ushtarake Iris Dena, e fundosur pranë brigjeve të Sri Lankës, kishte marrë së fundmi pjesë në një stërvitje detare ndërkombëtare të organizuar nga India. Edhe gazeta The Hindu raporton se një anije me emrin “Irins Dena” figuronte në listën e pjesëmarrësve në një stërvitje të zhvilluar në Gjirin e Bengalit nga data 18 deri më 25 shkurt.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)