Shefi i OKB-së: SHBA beson se fuqia e saj është më e rëndësishme se e drejta ndërkombëtare

Shtetet e Bashkuara besojnë se fuqia e tyre ka më shumë rëndësi se drejtësia ndërkombëtare. Kështu është shprehur kreu i OKB-së, Antonio Guterres në një intervistë për BBC Radio 4. 

Ai tha se "bindja e qartë" e Uashngtonit ishte se zgjidhjet shumëpalëshe janë të parëndësishme. 

Ajo që kishte rëndësi, vazhdoi ai, ishte "ushtrimi i fuqisë dhe ndikimit të Shteteve të Bashkuara dhe ndonjëherë në këtë drejtim sipas normave të së drejtës ndërkombëtare".

Komentet e Guterres vijnë disa javë pasi SHBA-të goditën Venezuelën dhe kapën presidentin e saj dhe në kontekstin e kërcënimeve të përsëritura të Donald Trump për të aneksuar Groenlandën.

Guterres tha se besonte se parimet themeluese të OKB-së, përfshirë barazinë e shteteve anëtare, tani ishin nën kërcënim.

Presidenti Trump më parë ka qenë i ashpër në kritikat e tij ndaj Kombeve të Bashkuara.

Ai e përdori fjalimin e tij në Asamblenë e Përgjithshme të shtatorit të kaluar për të vënë në pikëpyetje vetë qëllimin e saj, duke pretenduar se kishte "përfunduar shtatë luftëra të pafundme" vetë dhe OKB-ja "as nuk u përpoq të ndihmonte në asnjërën prej tyre".

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)