Vendi me naftën më të shtrenjtë në botë, aty ku litri kushton 4 dollarë

Kriza botërore e naftës, e lidhur me situatën në Lindjen e Mesme ka tronditur amerikanët, të cilët paguajnë çmimin prej 4 dollarësh për një galon. Kjo sasi është ekuivalente e 3,7 litër dhe çmimi përllogaritet në 1,08 dollarë për litër.

Por, ka një vend, ku nafta është më e shtrenjta në botë. Banorët e Hong Kong-ut përballen me çmime të çmendura: një galon naftë aty kushton rreth 15,6 dollarë. Kjo do të thotë që çdo litër naftë, kushton plotë 4 dollarë amerikan. Ky është absolutisht çmimi më i lartë në botë.

Edhe përpara se tensioni në Gjirin Persik të shkaktonte një krizë energjetike globale, qyteti gjysmë-autonom kinez ishte ndër vendet me karburantin më të shtrenjtë, sipas të dhënave të “GlobalPetrolPrices.com”. Rritja e fundit e çmimeve është nxitur nga lufta në Iran dhe mbyllja e një rruge kyçe detare si Ngushtica e Hormuzit.

Teksa çmimet e naftës janë rritur në nivel global, situata është veçanërisht e ndjeshme për Hong Kongun dhe ekonomitë e tjera aziatike, që varen shumë nga energjia e importuar nga rajoni. Edhe pse vetëm rreth 8,4% e popullsisë së qytetit prej 7,5 milionë banorësh përdor makina private, ekonomistët paralajmërojnë se çmimet e larta mund të shtojnë inflacionin dhe kostot e logjistikës, duke ndikuar më pas në sektorë të tjerë.

Shumë banorë kanë filluar të furnizohen me karburant në Kinën kontinentale, aty ku çmimet mund të jenë sa një e treta e kostos në Hong Kong. Ata përfitojnë gjithashtu edhe nga çmimet më të lira të ushqimeve dhe shërbimeve. Çmimet astronomike të karburantit, bashkë me tarifat e larta të parkingut dhe regjistrimit, bëjnë që prania e makinave private në Hong Kong të jetë ndër më të ulëtat në botë, ndërsa qyteti mbështetet shumë te transporti publik cilësor dhe i gjerë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)