Bëni kujdes nëse shihni një monedhë në dorezën e derës së makinës

Hajdutët po përdorin gjithnjë e më shumë metoda të sofistikuara për të hyrë në automjete dhe për t’i vjedhur ato, ndërsa një nga truket më të reja që po qarkullon është vendosja e një monedhe në dorezën e derës së makinës. Kjo teknikë e thjeshtë u mundëson autorëve jo vetëm të hapin automjetin për të marrë sende nga brenda, por edhe ta vjedhin atë, pa u vënë re nga pronari.

Sipas një videoje të publikuar nga kanali në YouTube “Bright Side”, monedha pengon funksionimin korrekt të mekanizmit të kyçjes së derës. Si pasojë, edhe pse drejtuesi i mjetit mendon se e ka mbyllur makinën me telekomandë, dera mund të mbetet e hapur, duke e bërë automjetin lehtësisht të aksesueshëm për hajdutët.

Ekspertët e sigurisë këshillojnë drejtuesit e mjeteve që, para se të largohen, të kontrollojnë me kujdes dorezat e dyerve për praninë e ndonjë monedhe, të sigurohen që të gjitha dyert janë mbyllur.

Ky nuk është i vetmi mashtrim që përdorin hajdutët. Një tjetër objektiv i shpeshtë janë sistemet ADAS, teknologji të avancuara për sigurinë dhe asistencën në drejtim, të cilat janë të kushtueshme dhe të vështira për t’u riparuar në rast dëmtimi ose vjedhjeje.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)