Nëpër botë
Sulm i rëndë në qytetin turk, vriten 4 persona, plagosen 8 të tjerë
Mësohet se gjatë arratisjes ai vrau edhe një bari që po kulloste delet në afërsi, si dhe një shofer kamioni.
21:18 1 ditë më parë18.05.2026.
AutoriApeli konfirmon dënimin për Jorgo Goron
Çështja ndaj tij nisi pas kallëzimit të bërë nga Fredi Beleri, i cili ka pretenduar se në vitin 2016 Goro i ka dhënë në mënyrë të paligjshme një sipërfaqe prej 4263 metrash katrorë tokë pasuesit të tij.
25.03.2026. 17:14
Gjykata e Posaçme e Apelit ka konfirmuar vendimin për ish-kryetarin e Bashkisë së Himarës, Jorgo Goro, duke lënë në fuqi dënimin e tij për çështjen e tjetërsimit të një prone në zonën e Livadhës.
Sipas vendimit, Goro ishte dënuar fillimisht më 30 korrik 2025 me dy vite burg. Për shkak të aplikimit të gjykimit të shkurtuar, masa e dënimit u reduktua në 1 vit e 4 muaj heqje lirie. Krahas kësaj, gjykata ka vendosur edhe ndalimin e tij për të ushtruar funksione publike për një periudhë prej pesë vitesh.
Çështja ndaj tij nisi pas kallëzimit të bërë nga Fredi Beleri, i cili ka pretenduar se në vitin 2016 Goro i ka dhënë në mënyrë të paligjshme një sipërfaqe prej 4263 metrash katrorë tokë pasuesit të tij të komanduar në krye të bashkisë, Arqile Bollano.
Sipas hetimeve të SPAK, kjo tokë ishte përfituar në kundërshtim me ligjin, pasi Bollano kishte përfituar më herët një sipërfaqe prej 7700 metrash katrorë në bazë të ligjit 7501, duke e bërë të paligjshëm përfitimin e mëtejshëm.
Vendimi i Apelit e bën përfundimtar dënimin ndaj Goros për këtë çështje, duke mbyllur një proces që ka qenë në vëmendje të publikut për menaxhimin e pronave në zonat bregdetare.
Shkarkoni aplikacionin Newsmax Balkans:
Komente (0)