Zbulohet thesari qindra vjeçar në thellësinë 1500 metra në det

Një zbulim i jashtëzakonshëm nënujore ka hedhur dritë mbi një kapitull të rëndësishëm të historisë kineze dhe tregtisë detare, duke dëshmuar se thellësitë e oqeaneve vijojnë të fshehin sekrete të paimagjinueshme.

Arkeologët kinezë kanë zbuluar më shumë se 900 relike kulturore në Detin e Kinës Jugore, pas një ekspedite kërkimore që zgjati nga viti 2023 deri në 2024. Lajmi u konfirmua nga Administrata Kombëtare e Trashëgimisë Kulturore të Kinës, e cila bëri të ditur se objektet u gjetën në dy anije të mbytura, të ndodhura në një thellësi rreth 1.500 metra nën nivelin e detit.

Nga anija e parë u nxorën 890 objekte, kryesisht porcelan dhe qeramikë të rafinuar, si dhe monedha bakri, që dëshmojnë nivelin e lartë të artizanatit dhe aktivitetit tregtar të asaj kohe. Ndërsa nga anija e dytë u rikuperuan 38 artefakte, përfshirë pjesë druri, objekte qeramike e porcelani, guaska detare dhe brirë dreri.

Sipas ekspertëve, të dyja anijet i përkasin dinastisë Ming (1368–1644), një periudhë kyçe e zhvillimit ekonomik dhe kulturor të Kinës. Ky zbulim ofron prova të rëndësishme për udhëtimet detare të paraardhësve kinezë dhe rolin e Detit të Kinës Jugore në Rrugën e lashtë Detare të Mëndafshit.

Reliket e gjetura konsiderohen dëshmi të çmuara të shkëmbimeve tregtare dhe kulturore mes civilizimeve, duke e kthyer këtë hallazgo në një “kapsulë kohe” të historisë detare kineze.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)