Sanremo bën bashkë dy Sandokanët, takimi historik mes Kabir Bedi dhe Can Yaman

Sanremo, festivali i njohur italian ka nisur transmetimin e këtij edicioni nën drejtimin e Carlo Conti dhe Laura Pausini. Surpriza e natës së parë ishte takimi historik mes Kabir Bedi dhe Can Yaman, dy aktorëv ikonë që kanë luajtur rolin e Sandokanit.

Kabir Bedi xhiroi filmin në vitin 1976 dhe 50 vjet më vonë në teatrin e Sanremos tha se çdo brez ka heroin e tij Sandokan, duke u takuar me aktorin turk, Can Yaman i cili ka luajtur të njëjtin rol vite më vonë. Can është mjaft i njohur në Itali jo vetëm për shkak të këtij rolit, por dhe transmetimit të telenovelave turke atje.

“Të jesh Sandokan është një përgjegjësi e madhe, është një figurë ikonike. Ne jemi shumë të lumtur që interpretojmë këtë personazh kaq të rëndësishëm për kulturën italiane. Duhet të kujtojmë se njerëzit na admirojnë jo vetëm për interpretimin tonë, por edhe për atë që Sandokan përfaqëson. Faleminderit për dashurinë tuaj, për respektin që më keni dhënë në këto 50 vjet.” tha Bedi. 

Yaman i puthi dorën ikonës së ekranit, teksa Bedi i tha se ai është një pasaardhës dinjitoz.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)