“Cigaret elektronike të dëmshme për jetën”, studimi i ri: Rrisin rrezikun për infeksione të rënda dhe sëmundje kronike

Përdorimi i rregullt i cigareve elektronike ose i të ashtuquajtura “vape”, mund të ketë pasoja serioze për shëndetin dhe të rrezikojnë seriozisht jetën. Ky është përfundimi i një studimi të ri. Shkencëtarët paralajmërojnë se personat që përdorin rregullisht cigaret elektronike kanë rreth 50% më shumë rrezik që të zhvillojnë infeksione të rënda dhe sëmundje kronike të mushkërive.

Pasojat e kësaj sëmundje ndikojnë në vështirësimin e frymëmarrjes dhe mund të çojë në komplikacione të rënda, duke përfshirë këtu edhe dështimin e organeve. Sipas ekspertëve, jetëgjatësia pas diagnostikimit me forma të avancuara të kësaj sëmundjeje shpesh nuk i kalon 10 vite.

Studimi thekson gjithashtu se “vaping” dobëson mbrojtjen imunitare të mushkërive, rrit rrezikun për infeksione të rënda, përkeqëson shëndetin e mishrave të dhëmbëve dhe të dhëmbëve, si dhe nxit inflamacionin e traktit respirator. Ekspertët theksojnë se rreziqet që lidhen me përdorimin e cigareve elektronike janë të krahasueshme me ato të cigareve tradicionale dhe rekomandojnë ndërprerjen e çdo forme të pirjes së duhanit për të mbrojtur shëndetin afatgjatë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)