Osmani kërkon një mandat të dytë, përgjigjet Albin Kurti

Kryeministri në detyrë i Kosovës, Albin Kurti i është përgjigjur së fundmi edhe pyetjeve të gazetarëve nëse do të mbështeshte Vjosa Osmanin për një mandat të dytë në krye të presidencës.

Teksa u shpreh se tashmë, pas rezultatit të zgjedhjeve të 28 dhjetorit, do të duhen të krijohen në fillim institucionet e reja, Kurti shtoi se shumë shpejt do të takohet me Osmanin për të diskutuar më këtë temë.

“Rezultati është më i qartë se asnjëherë më parë…bllokimet në konstituimin e Kuvendit dhe për formimin e qeverisë së re janë inekzistente”, tha Kurti.

Presidentes Vjosa Osmani i përfundon mandati në muajin prill. Pak ditë më parë, në një intervistë ajo shprehu synimin e saj të qartë për një mandat të dytë në Presidencë. Sipas saj, Kosova duhet të vijojë me arritjet e saj në kuadër të integrimit.

Ndërkohë, më 28 dhjetor, Vetëvendosje dhe Albin Kurti fituan zgjedhjet e parakohshme parlamentare me një rezultat të bindshëm, por që për çështjen e presidentit, do të duhen më 80 vota nga 120 që ka Kuvendi.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)