Kurti pret liderët ushtarakë të NATO-s e BE, ngre alarmin për ndikimin destabilizues të Serbisë

Kryeministri i Kosovës, Albin Kurti, zhvilloi sot një takim me drejtuesit më të lartë ushtarakë të NATO dhe Bashkimit Europian gjatë vizitës së tyre zyrtare në Kosovë. Delegacioni u kryesua nga admirali Giuseppe Cavo Dragone, kreu i Komitetit Ushtarak të NATO-s, dhe gjenerali Sean Clancy, drejtues i Komitetit Ushtarak të Bashkimit Evropian.

Gjatë takimit, Kurti vlerësoi angazhimin e vazhdueshëm të NATO-s për ruajtjen e paqes, stabilitetit dhe sigurisë në Kosovë dhe në rajonin e Ballkanit Perëndimor. Ai nënvizoi se misioni i KFOR mbetet kyç jo vetëm për sigurinë e Kosovës, por edhe për stabilitetin rajonal.

Kreu i qeverisë kosovare theksoi se për Kosovën, NATO përfaqëson jo vetëm garantuesin kryesor të sigurisë, por edhe një orientim strategjik afatgjatë. Në kuadër të integrimit euroatlantik, ai kërkoi që krahas politikave të zgjerimit të vlerësohet edhe aspirata e vendeve që synojnë anëtarësimin.

Kurti foli gjithashtu për forcimin e sigurisë në vend, me fokus të veçantë në veriun e Kosovës, ndërsa në planin rajonal ngriti shqetësimin për, sipas tij, qasjen destabilizuese të Serbia, të mbështetur nga Russia.

Në takim u theksua edhe bashkëpunimi i ngushtë ndërmjet FSK-së dhe NATO-s, si pjesë e përpjekjeve për rritjen e kapaciteteve mbrojtëse dhe avancimin e pozitës së Kosovës në arkitekturën euroatlantike të sigurisë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)