“E festova me vodka dhe verë në Rusi”, Dodik zbulon ftesën për në Uashington

Ish-lideri i entitetit serb në Bosnje, Republika Srpska, Milorad Dodik, ka marrë një ftesë për të qenë pjesëmarrës në Mëngjesin e Lutjes të organizuar nga Presidenti i SHBA-ve, Donald Trump.

Ngjarja do të ndodhë në fillim të shkurtit në Uashington, por ajo çka ka shkaktuar habi është se Dodik, ju hoqën sanksionet nën të cilat ai ishte për shumë vite, vetëm tre muaj, nga SHBA-të.

Në një intervistë me gazetën e Beogradit, Politika, Dodik konfirmoi se kishte marrë një ftesë për të marrë pjesë në Mëngjesin e Lutjes, por nuk ishte i sigurt nëse do të udhëtonte për shkak të zgjedhjeve të përsëritura që do të mbahen asokohe për presidentin e Republikës Srpska.

Zgjedhjet për presidentin e Republikës Srpska do të vendosen midis kandidatit të partisë së tij SNSD, Siniša Karan, dhe kandidatit të opozitës serbe, Branko Blanuša, dhe janë planifikuar për t’u zhvilluar më 8 shkurt, ndërsa vizita në Uashington duhet të ndodhë më 7 dhe 8 shkurt.

“Si kryetar i partisë, kam detyrim të jem aty, unë organizoj strukturën. Do ta shohim, nëse ka vend për t'u larguar, do të largohem”, tha Dodik.

Ai tha se ishte ftuar në Uashington nga dy kongresmenë që organizojnë Mëngjesin e Lutjes dhe sipas tij mbështetja që ai i ka dhënë Presidentit Trump në të dy mandatet, nuk ka kaluar pa u vënë re dhe mundësoi relaksimin e marrëdhënieve mes tyre.

I pyetur si e priti lajmin që SHBA-të kishin hequr sanksionet ndaj tij, Dodik u përgjigj: “Ne po punonim për këtë dhe na thanë se do t’i hiqnin dhjetë ditë para se të ishim në Moskë”.

“Nuk e prisnim që sanksionet do të hiqeshin në ato ditë dhe na njoftuan për këtë diku pasdite. Nuk mund ta besonim. Në Moskë, organizuam një takim në një restorant dhe, siç është zakon midis nesh serbëve, e festuam në një mënyrë të gëzueshme. Piva vodka dhe verë”, zbuloi Dodik.

Administrata amerikane vendosi sanksione kundër Dodikut në vitin 2017 për shkak të veprimeve të tij, të cilat u konsideruan si kërcënim për stabilitetin e Bosnjës dhe Hercegovinës dhe shkelje të Marrëveshjes së Paqes së Dejtonit. Megjithatë, në fund të tetorit të vitit të kaluar, autoritetet amerikane e hoqën Dodikun nga lista e sanksionuar, si dhe 48 persona dhe subjekte të tjera biznesi të lidhura me të.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)