Nuk ka më kufij, ylli i kinemasë rikthehet në ekran pas vdekjes falë inteligjencës artificiale

Filmi i ri me titull “As Deep as the Grave” (I thellë sa varri) ka tërhequr vëmendje të madhe pasi sjell në ekran aktorin e njohur amerikan Val Kilmer, i cili ndërroi jetë në vitin 2025, në moshën 65-vjeçare.

Në fund të trailerit të publikuar, një prift thotë fjalët: “Mos ki frikë nga të vdekurit dhe mos ki frikë nga unë”, ndërsa pamja dhe zëri i personazhit janë të Val Kilmer. Megjithatë, ajo që shfaqet në ekran nuk është aktori real, por një rikrijim digjital i realizuar me inteligjencë artificiale.

Sipas raportimeve, Kilmer ishte përzgjedhur për këtë rol vite më parë, por nuk arriti të luante për shkak të problemeve serioze shëndetësore, që më pas çuan në vdekjen e tij. Trashëgimtarët e aktorit, duke përfshirë edhe vajzën e tij Mercedes Kilmer, kanë autorizuar përdorimin e figurës së tij digjitale.

Ata kanë dhënë gjithashtu materiale arkivore dhe pamje të mëparshme të aktorit për të ndihmuar procesin e rikonstruksionit, ndërsa janë kompensuar financiarisht për këtë bashkëpunim.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)