Kanye West në Tiranë, 10 mijë bileta të shitura në 2 orë

Në vetëm dy orë nga hapja e shitjes së parë,  mbi 10 mijë bileta janë shitur për koncertin e shumëpritur të Kanye West në Tiranë, i planifikuar për muajin korrik.

Interesi i jashtëzakonshëm i publikut u reflektua menjëherë, ku me mijëra fansa përmes blerjes online siguruan vendin e tyre brenda pak minutash nga hapja.

Organizatorët bëjnë të ditur se kërkesa ka tejkaluar pritshmëritë, duke e kthyer këtë koncert në një nga eventet më të mëdha muzikore të organizuara ndonjëherë në vend. Fluksi i lartë i blerjeve në fazën fillestare është një tregues i qartë i pritjes së madhe për performancën e artistit ndërkombëtar.

Shitja e përgjithshme për publikun do të nisë zyrtarisht të mërkurën në orën 12:00, ndërsa pritet një interes edhe më i lartë në këtë fazë. Organizatorët u bëjnë thirrje të interesuarve të jenë të gatshëm në kohë, pasi biletat mund të shiten shumë shpejt.

Koncerti i Kanye West në Tiranë pritet të tërheqë jo vetëm publik vendas, por edhe fansa nga rajoni dhe më gjerë, duke e kthyer kryeqytetin në një pikë të rëndësishme të hartës muzikore këtë verë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)